Í samsæti hlutanna - Sýning Leirlistafélags Íslands

Í samsæti hlutanna

Leirlistafélagið 45 ára / 2026

Leirlistafélag Íslands opnar 45 ára afmælissýningu sína í Norska húsinu 3. júlí.

Sýninguna Í samsæti hlutanna prýða verk 34 leirlistamanna sem fást við nytjahluti. Leirmunir eru órjúfanlegur hluti hversdagslífsins. Matardiskar sem notaðir eru daglega, kaffibollar sem ganga kynslóða á milli, sparistell sem aðeins er dregið fram við hátíðleg tilefni og blómavasar sem settir eru á mitt borðið þegar gesti ber að garði mynda umgjörð samverustunda og verða vettvangur tengslamyndunar.

Meðlimir Leirlistafélagsins eru fjölbreyttur hópur listamanna og hver þeirra nálgast nytjahlutinn á einstakan hátt. Á sýningunni má sjá einföld og vandlega hönnuð ílát, flókna skrautmuni og skúlptúrísk verk sem setja spurningarmerki við hvað skilgreinir nytsemi. Áhorfendum er boðið að eyða tíma með þessum ólíku hlutum og íhuga bæði nýjar og gamlar leiðir til að nýta keramik til samveru.

Listamenn eru:

Aldís Yngvadóttir, Anna Sigríður Hróðmarsdóttir, Anna Story, Antonía Bergþórsdóttir, Auður Gunnarsdóttir, Auður Inga Ingvarsdóttir, Ása Tryggvadóttir, Daði Harðarson, Dagný Gylfadóttir, Elín Guðmundsdóttir, Erla Huld Sigurðardóttir, Erna Jónsdóttir, Guðný Hafsteinsdóttir, Guðný M. Magnúsdóttir, Guðný Rúnarsdóttir, Hafdís Brands, Halldóra Hafsteinsdóttir, Halla Ásgeirsdóttir, Helga Arnalds, Ingibjörg Ósk Þorvaldsdóttir, Jane Alexander, Kata Sümegi, Katla Rúnarsdóttir, Katrín V. Karlsdóttir Dyrving, María Skarphéðinsdóttir, Melkorka Matthíasdóttir, Ólöf Erla Bjarnadóttir, Ólöf Sæmundsdóttir, Sigríður Guðsteinsdóttir, Sunna Björg Sigfríðardóttir, Valdís Ólafsdóttir, Ylona Supèr, Þóra Breiðfjörð, Þórdís Baldursdóttir.

Sýningarstjórn er í höndum Agnesar Ársælsdóttur