Norska húsið - Byggðasafn Snæfellinga og Hnappdæla

Agnes, áföll og valdbeiting - Guðrún Gyða Ölvisdóttir les úr nýútkominni bók sinni

Fri, 28 Aug 2026 09:47:00 +0000

Guðrún Gyða Ölvisdóttir verður með upplestur úr nýútkominni bók sinni, Agnes, áföll og valdbeiting, í Norska húsinu föstudaginn 28. ágúst kl. 15:00. Öll hjartanlega velkomin, léttar veitingar í boði. Árið 1830 var Agnes Magnúsdóttir 35 ára hálfshöggvin á Þrístöpum. Í gegnum atómljóð talar Agnes sjálf um áföllin sín, ógnarvaldið og þögnina sem fylgdi, (síðasta aftakan á Íslandi 1830). Margir þekkja af eigin raun valdbeitingu yfirvalda og stjórnenda. Þetta er ný sýn. hennar eigin rödd, hún segir frá óskum sínum líðan og draumum, lífi sem kona á 19. öld. Hlið við hlið er fræðileg umfjöllun um valdbeitingu og áföllin sem hún varð fyrir. Um sárin sem valdið skilur eftir. En þetta er ekki bara saga Agnesar. Þetta er saga okkar allra. Guðrún Gyða Ölvisdóttir er fædd í Þjórsártúni, Rangárvallasýslu, árið 1954 og ólst þar upp. Hún útskrifaðist sem hjúkrunarfræðingur 1976. Lauk sérnámi í lyf og handlæknisfræðum, háskólanámi í geðhjúkrun, lýðheilsufræði og stjórnun í heilbrigðisþjónustu. Starfaði í áfallateymi Rauðakross Íslands um nokkurra ára skeið meðal annars í Suðurlandsskjálftunum árið 2000. Samhliða áratuga starfi innan heilbrigðiskerfisins hefur hún lagt rækt við myndlist og ljóðagerð. Fjölbreytt lífsreynsla hennar og áhugi á lýðheilsu og sköpun endurspeglast í starfi hennar. Hér veltir hún upp mannlegri hegðun, áföllum og sálarástandi Agnesar Magnúsdóttur og hvernig valdbeiting og tíðarandi 19. aldar spilar þar inn í. --- Bókin er skrifuð á fallegan hátt af mikilli næmni og ástúð. Vegna starfs síns skilur höfundur vel tilfinningar fólks sem hefur orðið fyrir erfiðleikum og áföllum. Athygli mína vakti kaflinn um áfallastreituröskun sem afleiðing valdbeitingar. Birna G. Hjaltadóttir Þjóðfræðingur

Stiklur eftir Elvu Hreiðarsdóttur

Wed, 26 Aug 2026 14:15:00 +0000

Sýningin Stiklur eftir Elvu Hreiðarsdóttur opnaði í Byggðasafni Snæfellinga og Hnappdæla þann 15. ágúst.

Ryðverk, sýning eftir Írisi Maríu Leifsdóttir

Tue, 05 May 2026 14:08:00 +0000

Ryðverk Írisar Maríu Leifsdóttur eru samvinna listamanns, veðurs og tíma. Einkasýningin hennar, Ryðverk, opnar í Byggðasafni Snæfellinga og Hnappdæla þann 16. maí kl. 14:00.

Á milli staða í náttúru Grænlands - Ljósmyndasýning eftir Jóhönnu Ómarsdóttur

Wed, 15 Apr 2026 13:19:00 +0000

Á milli staða í náttúru Grænlands - Ljósmyndasýning eftir Jóhönnu Ómarsdóttur áhugaljósmyndara, opnar laugardaginn 18. apríl kl. 13:00.

Draugahús á Hræðilegri helgi

Tue, 10 Feb 2026 11:35:00 +0000

Í tilefni af Hræðilegri helgi í Stykkishólmi verður Byggðasafn Snæfellinga og Hnappdæla - Norska húsið sett í hræðilegan draugalegan búning, föstudaginn 13. febrúar.

Snæfellsnes fortíðar

Tue, 27 Jan 2026 15:43:00 +0000

Komdu í rökkrið á rislofti Norska hússins og skynjaðu fortíðina með nýrri framsetningu safnmuna.

Svörtu málverkin - myndlistarsýning eftir Halldór Kristjánsson

Tue, 27 Jan 2026 13:14:00 +0000

SVÖRTU MÁLVERKIN, myndlistarsýning í Norska húsinu Í tengslum við Hræðilega helgi á Stykkishólmi.

Jólaopnun safnsins

Tue, 09 Dec 2025 14:30:00 +0000

Jólaopnun safnsins hófst 29. nóvember síðastliðinn

Lokahóf sýningarinnar Vendipunktar/Tipping Points

Tue, 25 Nov 2025 08:35:00 +0000

Nú líður að sýningarlokum sýningarinnar Vendipunktar/Tipping Points og viljum við því bjóða ykkur velkomin til lokahófs miðvikudaginn 26. nóvember kl 17:00. Heitt kaffi á könnunni.

Vendipunktar/Tipping points - sýning í tilefni 180 ára afmæli veðurmælinga Árna Thorlaciusar

Sat, 11 Oct 2025 09:36:00 +0000

Í framhaldi af málþinginu Andvarinn í himinsfari -180 ára afmæli veðurmælinga Árna Thorlaciusar, mun opna sýningin Vendipunktar/Tipping points í Byggðasafni Snæfellinga og Hnappdæla.

Andvarinn í himinsfari - málþing í tilefni 180 ára afmæli veðurmælinga Árna Thorlaciusar

Thu, 09 Oct 2025 11:22:00 +0000

Í nóvember 2025 verða 180 ár liðin frá því að Árni Thorlacius hóf samfelldar veðurfarsmælingar í Stykkishólmi sem hafa staðið óslitið síðan. Árni fæddist árið 1802 og varð umsvifamikill verslunar- og fræðimaður í Stykkishólmi eftir að hann kom heim úr námi frá Kaupmannahöfn. Þessar mælingar eru taldar meðal elstu samfelldu veðurmælinga í Evrópu og árið 2019 veitti Alþjóðaveðurfræðistofnunin Stykkishólmsbæ viðurkenningu fyrir það afrek. Samfélagslegt mikilvægi þeirra er ekkert minna en hið hnattræna þar sem þær gefa okkur dýrmæta innsýn inn í nær tveggja alda veðurfarsbreytileika í Norður Atlantshafi og hafa þannig lengi gagnast við margskonar innlendar og alþjóðlegar loftslagsrannsóknir.

Lokahóf haustsýningar Leifs Ýmis 9. október

Mon, 06 Oct 2025 13:47:00 +0000

Haustsýning Leifs Ýmis stendur út 9. október.Þar sem líða er að sýningarlokun verður lokahóf sýningarinnar 9. október kl. 15:00. Leifur Ýmir verður á staðnum með stutt spjall um sýninguna. Öll hjartanlega velkomin. Kaffi á könnunni.

Haustsýning - Leifur Ýmir Eyjólfsson sýnir málverk

Mon, 25 Aug 2025 15:03:00 +0000

Leifur Ýmir Eyjólfsson sýnir málverk í Norska húsinu, Stykkishólmi. Opnun 6. september 2025 kl 14-17. Sýningin stendur til 9. október 2025.

Bergmál Ekko - sýningaropnun

Wed, 06 Aug 2025 11:46:00 +0000

Sýningin Bergmál Ekko opnar í Byggðasafni Snæfellinga og Hnappdæla laugardaginn 9. ágúst kl. 14:00. Allir velkomnir og léttar veitingar í boði.

Huggulegt líf heimilislína Lúka Art & Design

Tue, 08 Jul 2025 11:20:00 +0000

Laugardaginn 5. júlí síðastliðinn opnaði sýningin - Huggulegt líf heimilislína Lúka Art & Design.

Skotthúfan

Tue, 01 Jul 2025 09:37:00 +0000

Skotthúfan 2025 þjóðbúningahátíð Byggðasafns Snæfellinga og Hnappdæla fór fram laugardaginn 28.júní. En í ár átti hátíðin 20 ára afmæli.

Heimsókn frá Póllandi

Mon, 30 Jun 2025 15:05:00 +0000

Í byrjun júní tók safnið á móti starfsfólki frá þjóðfræðideild Þjóðminjasafnsins í Gdansk (@mngdansk). Waldemar Elwart (aðstoðarforstöðumaður sýninga og verkefna), Anna Ratajczak-Krajka (sýningarstjóri þjóðfræðideildar NMG) og Urszula Kokoszka (@OddzialEtnografii / @etnografia.mng) komu í fræðsluheimsókn til okkar frá Póllandi.

Skotthúfan 28. júní

Tue, 24 Jun 2025 11:32:00 +0000

Skotthúfan 2025 verður haldin í Stykkishólmi 28. júní. Í ár fögnum við því að þjóðbúningadagur hefur verið haldinn í Stykkishólmi í 20 ár!

Þjóðbúningadagurinn í 20 ár - sýning

Mon, 16 Jun 2025 21:41:00 +0000

Gleðilegan 17. júní! Í tilefni dagsins opnar sýning í tilefni af 20 ára afmæli þjóðbúningadagsins í Norska húsinu. --

Sýningarleiðsögn á Alþjóðlega safnadeginum

Thu, 15 May 2025 14:03:00 +0000

Alþjóðlegi safnadagurinn er haldinn hátíðlegur 18. maí ár hvert á vegum ICOM, Alþjóðaráðs safna. Í tilefni hans verður ókeypis aðgangur í Byggðsafn Snæfellinga og Hnappdæla 17. maí kl. 12:00-15:00. Anna Sigríður Melsteð sýningarstjóri grunnsýningar...